Tag Archives: Tagalog

Tin Ginete

Love Is BLOG: Pag-unawa sa Pag-ibig

Posted on by

Sinakto ko talaga na gawin ang sulating ito sa unang araw ng buwan ng Agosto. Isa ito sa aking kontribusyon sa paggunita ng Buwan ng Wika. At ito ay patungkol sa isang akda ng isang kapwa Pilipino.

Paano ko nga ba nabasa ito? Sabihin nating dumaan ako sa isang masalimuot na kaganapan sa aking buhay pag-ibig. Naghanap ng pagpapaliwanag sa aking pinagdadaanan hanggang sa may isang brother in Christ na bukas loob na nagbigay ng kanyang payo patungkol sa usaping pag-ibig. Tawagin natin sya sa pangalang Doctor Eamer, dahil layon nyang tumulong sa “paggamot'” ng mga pusong nasugatan. 🙂

Tin Ginete

Preskripsyon ni Doctor Eamer.

Single ka ba? In a relationship? Married? Nasaktan sa pag-ibig? Masaya sa pag-ibig? Ano pa man ang status mo ngayon sa pakikipag-relasyon, minsan ba e tinatanong mo ang iyong sarili kung paano ba ang magmahal? (Hindi ito ang pelikulang The Breakup Playlist. Pero maganda rin iyon.)

Kung ang sagot mo ay oo, ang akda sa panulat ni Doctor Eamer na pinamagatang Love Is BLOG ay naaayon para sa’yo at nararapat lang na basahin mo ang kabuuan ng sulating ito. 🙂

Tin Ginete

Love is Blog by Doctor Eamer

Ano ba ang Love is BLOG?

Kung ikaw ay nakabisita na sa blog ni Doctor Eamer, marahil may ideya ka na kung ano ang nilalaman ng libro. Pero kung hindi pa at hindi nyo rin kilala si Doctor Eamer, bigyan ko na kayo ng kaunting detalye.

Si Doctor Eamer na may akda ng Love is BLOG ay isang binatang may layon na tumulong para maunawaan natin ang kahulugan ng salitang ito – pag-ibig.

Isa syang graduate student ngayon ng UP Los Baños. Oo, sya ay may angking talino. Kaya ‘wag kang magtataka kung malaman mong nakapagtapos sya bilang cum laude sa UP Los Baños din sa kursong BS Chemical Engineering. Ngunit kapag nakilala mo sya sa pamamagitan ng kanyang mga lathalain, mas hahanga ka sa kanyang katapatan sa paglalahad ng kanyang mga saloobin sa usaping pag-ibig na sadya namang nagpapatunay na hindi lang sya may angking talino kundi may puso ding nagnanais na makatulong sa kapwa sa pamamagitan ng kanyang ask.fm.

Ngayon panigurado gusto nyo ng bisitahin ang kanyang blog, pero antay lang muna tayo ng konti dahil dadako na tayo sa kanyang librong Love is BLOG.

Oo, ito ay patungkol sa pag-ibig. Pero hindi lang ito isang ordinaryong kwento ng pag-ibig. Dahil ang kahulugan ng pag-ibig sa akda nyang ito ay hindi yaong pag-ibig na madalas nating nababasa o naririnig. Kung kaya naman ganun na lamang kalapad ng aking mga ngiti simula isang tenga hanggang sa kabila labas pati gilagid nang matapos kong basahin ang kanyang aklat.

Hindi lamang tuwa at saya ang dala ng pagbabasa ng kanyang libro, nariyan na’t napapaisip ka, napapatango, napapatanong sa sarili pero kadalasan naliliwanagan. “Oo nga noh,”  ‘yun ang alam kong kadalasan mong masasambit habang binabasa ang kanyang libro.

Ang Love is BLOG ay ang unang librong naisulat ni Doctor Eamer na naging produkto ng mga nauna nyang artikulong ipinaskil sa kanyang blog. Isa itong obra maestra na masasabi kong kapana-panabik basahin. Oo, natapos ko sya sa isang upuan lang dahil andun yung pagaasam mo na malaman ang mga susunod na pangyayari at malaman ang kabuuan ng kwento.

Pero kung may isang bagay lang akong labis na nagustuhan sa kanyang libro, ‘yun ay ang pagiging totoo nito. Totoo sa paraang minsan nakikita ko ang sarili ko doon sa mga kwento nya, nakakasabay ako sa agos ng kwento. Sa ibang salita, hindi malayo ang istorya sa mga pinagdaanan at pinagdadaanan ng bawat isa sa atin.

Ooopps, mukhang napapahaba na ito ah. Baka makwento ko na dito ang kwento nya. Ahaha

So paano ‘yan mga kaibigan kong mambabasa, hanggang dito na lang muna at kailangan ko na kayong ilipat sa orihinal na kwentong pag-ibig, ang Love is BLOG. Interesado kang malaman paano makabili ng libro? Kontakin lamang si Doctor Eamer sa email address nya (iamdoctoreamer@gmail.com) o bisitahin ang kanyang blog: https://iamdoctoreamer.wordpress.com/.

Hindi natin alam, baka dahil sa librong ito, mabago din ang buhay mo. Pero panigurado ako, lahat ng katanungan mo sa pag-ibig, mahahanap mo ang kasagutan dito. 😉

At sana makatulong itong bible verse para sa puso nyo mga kapatid:

“Love never gives up, never loses faith, is always hopeful, and endures through every circumstance.” – 1 Corinthians 13:7

Tin Ginete

Love is God, God is love. 🙂

English? Me? No More

Posted on by

(This is a post Independence Day tribute.)

May isang beses na ako’y tinanong: “Tin, para saan pa nga ba ang English?”

Marahil ito ay dala ng maling paniniwala na ang wikang Ingles ay lenggwahe ng mga nasa alta sosyedad or the elite of the society and mga scholars and professionals.

Nagtapos ako ng kursong BA English Studies sa Kolehiyo ng Arte at Literatura at napabilang sa isang academic organization na UP Lingua Franca. Base sa mga pagtuturo sa amin bilang English Studies majors, ang ibig sabihin ng “lingua franca” ay common language.

At ‘yun ang pakay ng pagkakaroon ng wikang Ingles – it bridges cultural barriers across the world. Kung ako ay tatanungin bakit kailangan pa natin maki-ayon sa kultura ng ibang tao at magkaroon ng interaksyon sa ibang parte ng mundo, para na rin akong tinanong ng “Alin ba ang gusto mo, bumalik sa makalumang primitive ages o sariwain ang makabagong panahon sa pamamagitan ng malinaw na pakikipag-komunikasyon?”

A common language means hindi lamang ito para sa mga mayayaman. On the contrary, it actually seeks to unify and never to diversify. It is for everybody’s use and advantage at kailanman hindi sukatan ang galing sa paggamit ng wikang Ingles sa katalinuhan ng isang tao sa pangkahalatan. That is, if IQ is concerned. May ibang aspeto ng pagaaral kung saan hindi lang ang galing sa tatas ng pagbigkas ng wikang Ingles at sa lawak ng mga salitang Ingles na alam ang magpapatunay sa isang tao na sya ay matalino.

Sa usapang “conyo,” kami noon ay binalaan ng mga propesor namin sa paggamit ng ganitong uri ng lenggwahe. Para sa kanila, combining two languages in a manner that does not sound correct in terms of syntax and sentence structure only becomes an abuse on both the English and the Filipino languages.

Nawawala ang katas ng bawat wika and its identity as two separate languages carrying in it its own beauty. Ideas are also thwarted when English and Tagalog are used in a “conyo” way. And once again, it is tagged as the language of the elite.

Which, I believe, is a misconception nowadays. Ginagamit sya na pagkakataon ngayon para mapabilang sa elite society. Hindi maaaring maging pamantayan ng alinmang wika ang pagiging matatas sa lenggwaheng “conyo.” ‘Yun lamang at akala ng karamihan speaking the language is “cool” thus mas accepted ka sa social circle that you want to fit in. And came the modern label for this language as “lenggwahe ng mga maaarte” – lahat ng mga ito ay hasty generalizations lamang at nangangailangan pa rin ng masinsinang pagaaral para mapatunayan kung ito nga ay totoo o hindi.

Ngunit may mga paraan gaya na lamang nitong sentence na ito wherein I was able to combine both the English and the Tagalog languages in a way that is not offensive ang dating at hindi masakit sa pandinig.

Ang pagkakaroon ng kalayaan sa pagpapahayag ay walang kinalaman sa uri ng wika na iyong ginamit o ginagamit. Halimbawa na lamang itong akda na ito, produkto ito ng pagpapahayag ng aking sariling mga saloobin na hindi man masasabing ito ang tama ngunit may layon namang magbigay ng ibang perspektibo at pananaw pagdating sa lenggwahe ng Ingles.

Practice using English at all times for it will connect you to the world. And yet speak in Filipino if you want your culture to be preserved. Once it is learned, it cannot be unlearned. For that is how a language develops throughout the years – one language being born after the other, a fusion of all types of languages and yet the basics will remain the same.

P.S.

Ang layunin ko talaga sa artikulong ito ay ang hindi ako mabansagang tumalikod sa pagmamahal sa aking sariling wika at ang mailahad ang kalayaan sa pamamahayag o freedom of expression. 🙂